مش كفاية

مش كفاية

فيديوهات القصيدة:

طيّاراتكم مش كفاية

والمدافع مش كفاية

والقنابل والحصارْ

والحرايق والدمارْ

والدموع فى عيون صغارْ

والجناين تبقى نارْ

مش كفاية!

*

لو عايْزِينّي مرة أخضع.. غيّروني

شوفوا يمكن لو ده ينفع.. بدّلوني

ولما ما تلاقوليش طريقة

واجهوا – لو مرّة – الحقيقة

واقروا من قرآني آية

تفهموا أصل الحكاية

إنى باضحك ع القنابِلْ

موتة جاية وقلبي قابِلْ

تعرفوا إنّ القنابِلْ

والمدافع والشظايا

والسلاح اللى معاكو ومش معايا

مش كفاية!

*

موّتونى ألف مرّة.. مش كفاية!

غصب عنكو بلادي حرة.. وللنهاية

كلمة باكتبها بدمايا للي يستشهد ورايا

إن تمن الجنة دِيَّه

لو حياتك.. مش كفاية

مش كفاية