مافيش حد مات

مافيش حدّ مات

فيديو القصيدة:

لساه بشعره وقصايده وفلتِة لسانُه

وكل الناس اللي ثارِتْ عشانُه

ولسّه الحروف اللي شقِّت كيانُه

وشقّت جدار الخضوع والسكاتْ

مافيش حدّ ماتْ!

لسّه الكلام اللي طاير حمَامْ

وضَرْب الرّصاص اللي من عود (إمامْ)

ولسّه الضمير اللي رافض ينامْ

بيسهر يوماتي في كل الحاراتْ

ويعلن إنّك..

وشِعرك وفنَّكْ

حاجات مايغلبهاش مَمَاتْ

مافيش حدّ ماتْ!

مافيش حد مات