حلقاتك برجالاتك

حلقاتك برجالاتك

فيديوهات القصيدة:

حلقاتِك.. بِرجالاتِك

تكبري وتحقّقي ذاتِك

*

حلقاتِك منقوشة ب فضة

وبْطُهْرِك (مريم) تتوضّا

يضحكلي العمر اللي انقضّا

وتحَلِّى حياتي بحياتِك

*

على لِعْبِكْ.. على سقْفِةْ إيدِكْ

على حَبْيِكْ.. على صوت تغريدِكْ

على كُرّاستِكْ.. على أناشيدِكْ

وتعيشي وتِكْتَرْ طلباتِكْ

*

حلقاتِك.. حلَقاتْ حلَقاتْ

نكبر وتهون المسافاتْ

ونلِفّ وَرَا التعلب فاتْ

وتحِبِّى دروسِك وصلاتِك

*

يوم عُرْسِك هَيدَبِّح فيَّ

هاضرُب لك نار للصُبحيّة

وراح أبكي.. والناس ملهيّة

مشغولة بفرحِك، وحاجاتِك

*

وتعيشي جميلة وتترسْمي

وتسمّي عيالِك على اسْمي

وتفتكري أبوكي وتبتسمي

هنا جابلك لعبة.. هنا شالِك

*

وهاوصّي الواد اللي هياخدِك

يوماتي يبوسك على خدِّك

ويصون اللي زرعته في وردِك

ويحَلّي سنينِك وساعاتِك

حلقاتك برجالاتك